شركة عايزاك تخليك تشوف الارض من فوق

 الواتساب رجع تاني فلة والـLast Seen شغال وكلو طبيعي ومارك بيقولكم أمانة عليكم كفاية زرار الشير ف الهبد ورم 🙏😂

🔥 أيوة واتساب ملك فيسبوك بتاع مارك ألا تكون ناسي ولاحاجة 😉

🌟 سامسونج سجلت براءة اختراع لكاميرا خلفية بـ 6 عدسات تصوير 🤯🔥

براءة الاختراع بتقول إن الكاميرا فيها 5 عدسات تصوير بزاوية واسعة والسادسة كاميرا زووم، العدسات الستة بالكاملة قابلة للتحرك Tiltable بحيث تقدر العدسات تصور في أي ظروف ومهما كنت بتتحرك، برضو الكاميرا تقدر تصور بدقة عالية!

النوع ده من العدسات عظيم جدا اللي هو العدسة بتقدر تتحرك يمين وشمال بس التركيز Focus بيفضل ثابت وبالتالي التقنية دي في التصوير مع الحركة بيبقى خرافي وهيقدم مستوى جديد تماما من التصوير.. على الله نشوف القصة دي في السوق قريب!

بالمناسبة صحيح فكرة حركة العدسات يمين وشمال بثبات بيقدم امكانية انك تصور فيديوهات بزاوية واسعة Panorama من خلال حركة العدسة يمين وشمال بثبات🔥

🌟 الحكومة الأسترالية بتتعرض لحجم مهول من هجمات الهاكرز اللي أعلنت رسمي انها شاكة انهم تبع روسيا أو الصين أو كوريا الشمالية، بسبب درجة تعقيد واحترافية الهجمات وتشفيرها !!

🌟 تويتر بتجرب ميزة انك تنشر تويتة صوتية 140 ثانية في أبلكيشن آيفون بس انتقادات كتيرة بدأت تطلع ف وجهها من حيث الناس ذوي القدرات الخاصة وخصوصا فاقدي حاستي السمع والكلام مش هيقدروا يستفيدوا من الميزة دي وهيبقوا مهمشين في المنصة بالحال ده، فتويتر قالت انها هتخصص فريق مخصوص للمزايا الموجهة للفئة دي من المستخدمين عشان ميقعوش في نفس الخطأ ده تاني!

🌟 براد سميث، رئيس مايكروسوفت، أعلن في حوار صحفي ليه مع موقع Politico إن مواقع متاجر الأبلكيشنز بقت بتعمل حواجز وتفرض قيود على المطورين وبيعملوا احتكارات للسوق!

طبعا براد مقالش أبل صراحة بس اتكلم عن موضوع مهم وهو النسبة اللي بتاخدها متاجر الابلكيشنز من أرباح المطورين وهي 30%!!

هتقوللي ما جوجل بلاي بيعمل نفس القصة، بس هقولك ان عشان اي ابلكيشن يدخل موبايل أندرويد سهلة جدا ينزل الابلكيشن أونلاين والناس تظخل تحمله عادي، زي ما كانت لعبة فورتنايت لحد فترة قريبة قبل ما تدخل ستور جوجل، أما عشان تدخل جهاز آيفون، فلازم عن طريق الآب ستور!

بالمناسبة أبل مرفوع عليها قضيتين احتكار بيتحقق فيهم في الاتحاد الأوروبي واحدة بخصوص الآب ستور والتانية بخصوص أبل باي!

🌟 سامسونج اخدت عقد تجهيز شبكات الـ5G في شركة TELUS الكندية!

🌟 مايكروسوفت أعلنت انها اكتشفت جروب هاكرز اسمه Chimborazo بتراقبهم من يناير، وهم بيستخدموا اسلوب اختراق مبتكر وهو انهم بيشتغلوا بـ Excel Sheet عشان يعملوا صفحة ويب نسخة من بتاعت التأكد من انك بني ادم مش روبوت CAPTCHA، وهوب اول ما تدوس على الصور الظاهرة، بيتسطب شوية برمجيات خييثة منها فايل تروجان اسمه GraceWire بيدخل يسرق في هدوء معلومات حساسة وسرية من جهازك بما فيها باسورداتك!

🌟 سبيس اكس بتجهز عشان تطير بـ 60 قمر صناعي كمان من بتوع شبكتها الفضائية للانترنت ستارلينك يوم التلات الجاي، ودي هتبقى 4 مجموعة من الاقمار الصناعية اللي تطيرهم الشركة في مدة تقريبا أقل من شهر!! 🔥🔥🔥🔥

🌟 فيسبوك اشترى شركة Mapillary السويدية الناشئة المتخصصة في تصوير شوارع العالم زي بظبط فكرة خدمة جوجل StreetView 🗺️

🌟 البنتاجون شغال حاليا على تطوير مجموعة من الخطط بتحاول انها تعمل سلاح دفاعي يحمي الأقمار الصناعية الامريكية اللي موجودة في الفضاء من أي هجوم مفتعل من أعدائها زي الصين وكوريا الشمالية وروسيا إيران من خلال تفجير مفاعل نووي ع الارض، لان الانفجارات النووية بتطلب موجات كهرومغناطيسية كفيلة تشوي الاقمار الصناعية اللي في الفضاء!👀

🌟 المدون التقني Jon Prosser أكد بصور مسربة ان أبل شغالة بجد تاني على منصة شاحن لاسلكي AirPower، واللي أبل أعلنت عنها 2017 ونزلتها 2018 وكنسلتها 2019! 😒

محدش عارف المنتج حقيقي ولا بلح ونازل امتى، بس جون قال اخر 2020 او أول السنة الجاية!

🌟 شركة Space Perspective قررت تنفذ المعنى اللي بيقوله اسمها حرفيا..

هيحطوك فوق الارض تشوفها من زاوية فضائية 🤯

بص الفكرة مجنونة جدا،
هيحطوك في كبسولة بيضاوية بيضا كلها ازاز اسمها Neptune تشيل 8 أشخاص وقائد من الشركة بيتأكد ان كل حاجة تمام، وفيها الكبسولة كمان فيها تواليت وبار 🍻 ومتعلقة في بالون ضخم 🎈 مليان هيدروجين ويطير بيك لطبقة الستراتوسفير في الغلاف الجوي على ارتفاع 30.5 كيلومتر فوق سطح الأرض ⁦☝️⁩🙄🤐 والبالون ده هيطير بسرعة 20 كيلومتر في الساعة 🔥

الرحلة كلها مشوار 6 ساعات، يعني 3 طالع و3 نازل، وساعتين في الفضاء 😍

بالمناسبة فتحوا باب الحجز وانا حجزت كرسين جمب الشباك 😎 ببلاش بقى 😁

تقدر تحجز ع الموقع بتاعهم من

هنا