هيئة ضرائب الدخل الأمريكية IRS أعلنت انها بتشتري الداتا الخاصة بمواقع GPS بتاعت ملايين الامريكيين عشان تراقب وتتبع حركات أي شخص مشكوك في انه مشترك قي أي جريمة، وبالتالي مثلا لو عرفوا ان فيه عملية تحويل أو سحب فلوس ضخمة في ساعة وتاريخ معين من مكنة ATM أو فرع بنك معين يبدأوا يضيقوا المجال ويفحصوا كل الموبايلات اللي طانت موجودة في المكان والتاريخ والثانية دي ويشوفوا مين مثلا استقبل رسالة تحويل الفلوس أو مين حسابه مربوط برقم موبايل مشبوه وهكذا!!
ده حصل في استجواب لمسؤولي الهيئة مع أحد أعضاء الكونجرس الأمريكي وقالوا ان الهيئة كانت واخدة اشتراك تجريبي مع خدمة بتقدمها شركة Venntel اللي بتبيع بيانات الامريكيين بتاعت اللوكيشن لمؤسسات حكومية بعد ما بتشتريها من شركات التسويق والاعلانات 😁
🌟 مجموعة كبيرة من أجهزة سامسونج لتشغيل اسطوانات الـ Blu-ray جصلها مشكلة غريبة وهي انها دخلت ف دايرة ريستارت مبيخلصش!!
سامسونج اعترفت بالمشكلة وشغالة على تصليحها!
🌟 ڤولكس ڤاجن أعلنت انها على 2025 هتبقى بتطور 60% من السوفت وير بتاع عربياتها، بس دلوقتي بتعتمد بنسبة 90% على شركات تانية خارجية للبرمجة!
الاتجاه الجديد جاي بعد ما ڤولكس عانت عربياتها من كشاكل كتيرة خاصة بالسوفت وير وده خلاها تبقى ف موقف سخيف جدا، خصوصا ان سركة تيسلا اللي تعتبر بنسبالها بنت امبارح ف السوق بتنتج سوفت وير خاص بيها!
🌟 بعد أقل من سنة من توقيع الاتنين عقد الشراكة، شركتي BMW ومرسيدس وقفوا الشراكة اللي بينهم بخصوص تطوير أنظمة القيادة والركنة الذكية الالكترونية واللي مفروض كان يخرج ثمار التعاون ده للنور على 2024 بس الاتنين قالوا ان الظروف الحالسة اقتصاديا وسوقيا بتمنع ان التعاون ده يحقق أهدافه، فقالوا هيوقفوا لحين إشعار آخر، وساعتها ممكن الاتفاق يرجع يتفعل تاني!
🌟 مجموعة باحثين من جامعة أريزونا عملوا تقنية جديدة اسمها FMKit تقدر انها تخلي نضارة الـVR وانت لابسها تفهم حركة صوباعك لما تكتب كلمة ف الهوا.. وساعتها ممكن باسوردك يبقى الكلمة! 🔥🤯
التقنية الجديدة بتقدر انها تلقط حركة صوابعك بدقة توصل لحد 96% باستخدام حاجة من اتنين اما جهاز Leap Motion اللي بيقرا حىكة صوابعك ف الهوا من غير ما تلبس أي حاجة ف ايديك أو كمان قفاز صممه الفريق البحثي مخصوص، والاتنين دقتهم هايلة في انهم ينفذوا لحد 110 عملية ميح لحركة الصوابع في الثانية الواحدة!
الدقة دي كمان هتبقى بداية هايلة لو انت عايز تخلي كلمة سر فتح أبلكيشن معين ف نضارتك أو تشغيل نضارتك نفسها عبارة عن كلمة بتتكتب بحركة صوابعك ف الهوا بطريقة معينة محدش يقدر يقلدها 😎💪
شوفها في الكومنتات 👇
🌟 القضاء الاداري الفرنسي رفض طعن جوجل في الحكمه الموجه هتديها بخصوص دفع الغرامه 57 مليون دولار جريمه في مقابل ان مستخدمين اندرويد مبيقدروش يفهمه ازاي بيتم استخدام البيانات اللي بتجمعها موبايلاتهم عنهم!
🌟 دلوقتي جوجل بتجرب ميزة جديدة في خدمتها للتجةل في شوارع العالم StreetView وهي انها تحط علامات على الاماكن والمطاعم والكافيهات وغيرها من اماكن تقديم خدمات للمستهلكين بحيث وانت بتتفسح تعرف رأي الناس وتقييماتهم لمكان معين، فجوجل أخدت تفييمات وآراء الناس في الأماكن العامة من جوجل مابس وحطيتها بدقة في ستريت ڤيو وده هيثري جدا التجربة جوا ستريت ڤيو خصوصاً انه هيمهد لعالم الناس كلها ماشية فيه بنضارات VR بتتفسح في الشوارع ومحدش بيسأل حد هو فيه مطعم حلو قريب هنا بيعمل ملوخية! 😂🤐
🌟 تسريب جديد نشره المدون التقني IceUniverse بيأكد فيه ان سامسونج نازلة في عيلة نوت 20 بنسخة نوت 20 ألترا واللي هتبقى عبارة عن جلاكسي نوت 10 بلس متكورة حبتين، مبدئيا حواف الشاشة أصغر والشاشة نفسها جاية بدقة QHD+ ومعدل تحديث الشاشة 120 هيرتز والشاشة من نوع LTPO واللي بتوفر جدا في استهلاك البطارية وكمان بتقدم دقة وجودة عالية وبروسيسور سناب دراجون 865+ وكاميرا وقلم SPen بمزايا جديدة!
شوف صورة مسربة للموبايل أول كومنت 👇
🌟 شركة EA قالت FIFA 21 هتبقى أكتر لعبة فيديوجيم رياضية بتقدم تجربة واقعية على الاطلاق 🔥
طبعا نفس الكلام بيتقال كل اصدار جديد وكل مرة الناس تقول اللعبة مش فارقة عن السنة اللي فاتت، وبيشتروها برضو وبتحقق مبيعات هلامية 😂
الشركة قالت ان نزول بلايستيشن 5 وXbox Series X هيقدم مستوى مختلف تماما من اللعبة، خصوصا مستويات التفاعل اللمسي المتطور في دراعات بلايستيشن وميزة Haptic Feedback هتبقى حاجة اختراع مع السيطرة ع الكورة!
🌟 القضاء الفيدرالي رفض دعوى قضائية رفعتها شركة الواقع المعزز Magic Leap على منافستها Nreal بإن مؤسسها Chi Xu واللي كان موظف سابق في ماجيك ليب انه سرق منها أسرار ومستندات وتقنيات واعتمد عليها في تأسيس شركته المنافسة الجديدة، بس للأسف مقدمتش ولا دليل يثبت الكلام ده!
🌟 الصحفي المحترف مارك جورمان من بلومبرج نشر تقرير في تفاصيل لأول مرة تنزل عن نضارتين أبل للواقع الافتراضي VR والمعزز AR 🔥👀😎
التقرير اتكلم في الاول عن نضارة بتقدم تجربة AR وVR بإسم كودي N301 ودي كانت عاملة جدل جوا أبل بين مدير قطاع التصميم الأسبق جوني إيڤ وبين مدير فريق مشروعات أبل السري للـAR والـVR وهو مايك روكويل، روكويل كان عايز النموذج ده من النضارة يبقى عبارة عن نضارة بإمكانيات معالجة وتقنيات عرض عالية جدا بس للأسف حرارة النضارة كان بتعلى أوي لما تزيد جودة الجرافيكس وعمليات المعالجة، عشان كدا قرر انه يعمل وحدة معالجة خارجية في صورة أقرب لحجم جهاز ماك صغير، وده اللي كان رافضه إيڤ إن أبل تعمل نضارة محتاجة جهاز معالجة خارجي لان الفكرة مش هتبقى عملية، وفضل انه يتم تقليل جودة الجرافيكس ومستوى المعالجة بالتالي يقل وساعتها تبقى كل شرايح النضارة جواها عادي، وده برضو كان رأي مدير أبل تيم كوك!
التقرير قال ان رأي إيڤ، اللي ساب الشركة حاليا، هو اللي مشي فعلا وعلى الرغم من إن نضارة N301 بتقدم دلوقتي جرافيكس أقل بكتير من اللي كان مفروض تقدمه، إلا إن جودة الجرافيكس دي وتجربة الصوت عالية لدرجة هتخلي المستخدم ميقدرش يفرق بين الواقع الحقيقي والتجربة الافتراضية اللي بيتفرج عليها جوا النضارة!!!! 🤯
نضارة N301 هتبقى في نفس تصميم نضارة Oculus Quest بس أصغر شوية وحاليا بيجربوها على أكتر تصميم من الرؤوس عشان يشتقروا على حجمها وطريقة تثبيتها على الرؤوس، وكمان اتقال انها بشكل رئيسي عيبقى ليها ستور أبلكيشنز مخصوص بيركز ع الجيمز ومحتوى الفيديوهات عالي الجودة وكمان أبلكيشنز الاجتماعات والتواصل عن بعد، مفيش كلام على تسعير ومتوقع تنزل 2022!
التقرير كمان قال إن فيه مشروع نضارة كمان اسمه N421 وده كان المفضل بالمسبة لإيڤ، لانه معتمد على تقنية الواقع المعزز فقط AR وهي ختبقى في شكل وتصميم نضارة شمس غالية وجواها كل شرايح المعالجة وتقنيات العرض المطلوبة لتشغيلها ودي ختنزل بشكل متوقع على 2023!
صباحكم فُل 😄