🔵 ملخص اليوم الأول من مؤتمر فيسبوك للمطورين F8 2018 في طلقات سريعة:
🔫 فيسبوك هينزل ميزة جديدة اسمها Facebook Dating جوا الابلكيشن الاصلي وبظبط زي ما الاسم بيقول، هي ميزة للتعارف بين الناس اللي ميعرفوش بعض خالص عشان "يقوي العلاقات" زي ما قال مارك!الميزة مش معروف هتنزل امتى لسا.
🔫 تغيير شامل وكامل في الماسنجر من حيث الشكل والمضمون وكل حاجة، الابلكيشن هيبقى واجهته بسيطة جدا، رسايلك هتبقى محتلة الابلكيشن كلو، رمز الكاميرا لالتقاط صور والكاميرا لالتقاط فيديو وعلامة إنشاء مسدج جديدة هتبقى فوق على أقصى يمين الشاشة وتحت منهم مساحة تسيرش فيها على أي كونفيرسيشن، وتحت خالص في الشاشة شريط ثابت فيه 3 زراير، واحد للرسايل بتاعتك وواحد لجروبات الشات والتالت عشان تشوف البوتان المختلفة اللي ممكن تكلمها وتساعدك في اي حاجة!بالإضافة بكدا، دلوقتي البراندات تقدر انها لما تدخل تتكلم معاها في الماسنجر، ممكن تعملك تجربة لمنتجاتها من خلال فلاتر تصوير تقدر تستخدمها لما تفتح الكاميرا جوا الشات معاها 
😲
😲من اللي هيعرضوا الخدمة دي، شركات زي Nike فتقدر تجرب كوتشي جديد، وSephora هتخليكي تقدري تجربي ميكب على وشك، وكمان أسوس هتخليك تجرب انك تفتح علبة موبايل وتشوفه كإنه في ايدك، وKia هتخليك تتفرج على عربية من عربياتها 
😍
😍🔫 الواتساب هينزل قريب ميزة مكالمات الفيديو بين 4 أشخاص بحد أقصى، وكمان هينزله ستيکرز 
💃🔫 يمكن من أعنف المزايا اللي كشف عنها فيسبوك انهاردة كانت أن المستخدمين يقدروا من جوا أبلكيشنز تانية انهم يعملوا شير لصور أو فيديوهات أو أغاني كـStories على فيسبوك وانستجرام😲قمة الإجرام وضربة في مقتل لسناب شات 
💥
💣
💥💣بالمناسبة، ستوريز الواتساب وصل عدد مستخدميها إلى 450 مليون مستخدم يوميا 
😂 باي سناب😂
😂 باي سناب😂🔫 انستجرام هينزل قريب ميزة مكالمات فيديو بين اتنين أو اكتر 
🎥 وكمان بقى ممكن للبراندات والانفلونسرز يقدروا يعملوا الفلاتر الخاصة بيهم وتقدر تستخدمها لما تعملهم Follow وكمان لو شوفت حد من صحابك مستخدمهم! 😍الأحلى كمان أن جزء الاكتشاف Explore هيبقى متقسم لمواضيع بحيث تختار الموضوع اللي حابب تشوف محتوى عنه
😉💣 مارك مجبش سيرة مشاكل الداتا وفضيحة كامبريدج أناليتكا البريطانية ولا أي كلام من الحاجات دي خالص.. 